კონსალტინგი

ქართულ–გერმანული ერთობლივი კომპანია შპს „აი ელ ეს“–იდაარსდა 2015 წელს, თბილისში. 

„აი ელ ეს“–ი წარმოადგენს საკონსულტაციო და ლოგისტიკური მომსახურების მიმწოდებელ კომპანიას.

საკონსულტაციო მომსახურება მოიცავს მიწოდების ჯაჭვის და სასაქონლო–მატერიალური მარაგების მაქსიმალურად ზუსტ დაგეგმვას, ხოლო ლოგისტიკური მომსახურება საავტომობილო, საზღვაო და საჰაერო გადაზიდვებს. პარტნიორების ფართო ქსელის მეშვეობით, მომხმარებლებს ვთავაზობთ ტვირთების ტრანსპორტირებას მსოფლიოს მასშტაბით.

ჩვენი მისიაა, ხელი შევუწყოთ სავაჭრო და ინდუსტრიულ კომპანიებს მარაგების ოპტიმიზაციაში და უზრუნველვყოთ მათი საერთაშორისო გადაზიდვები მაქსიმალური სისწრაფით და მინიმალური დანახარჯებით.

სასაქონლო–მატერიალური მარაგები ინდუსტრიული და სავაჭრო ფირმებისათვის წარმოადგენს მნიშვნელოვან აქტივს, შესაბამისად მის სწორად დაგეგმვას დიდი მნიშვნელობა აქვს ამ კომპანიების წარმატებული საქმიანობისათვის.

ერთის მხრივ, საჭირო მარაგების არქონა იწვევს გაყიდვების დაკარგვას, შემოსავლების შემცირებას და მომხმარებლის გადართვას კონკურენტის პროდუქციაზე, ხოლო მეორეს მხრივ, ჭარბი მარაგები ნიშნავს ფულის არასაჭირო დაბანდებას, იწვევს დამატებით ხარჯებს, (კაპიტალის, სასაწყობე და თანამშრომლების გაზრდილი ხარჯები) და მივყავართ ლიკვიდურობის პრობლემამდე.

„აი ელ ეს“–ი გთვაზობთ ამ პრობლემის გადაჭრას და ოპტიმალური მარაგების განსაზღვრას, რაც ზრდის გაყიდვებს, ამაღლებს კლიენტების კმაყოფილების დონეს და მნიშვნელოვნად ამცირებს ხარჯებს.

„აი ელ ეს“–ი კლიენტებს სთავაზობს საავტომობილო გადაზიდვებს მანქანების სრული დატვირთვით და ნაკრები ტვირთების ტრანსპორტირებას.

საავტომობილო გადაზიდვები ხორციელდება თურქეთიდან, დ.ს.თ–ს, ევროპის ქვეყნებიდან საქართველოში და პირიქით.

ნაკრები ტვირთებისათვის შუალედური საწყობები განლაგებულია ევროპაში: გერმანიასა და ბულგარეთში, ხოლო თურქეთში ქ. სტამბულში.

სასწრაფო ტვირთის შემთხვევაში, საჰაერო გადაზიდვა ძირითად სატრანსპორტო საშუალებად განიხილება. „აი ელ ეს“–ი გთავაზობთ საჰაერო გადაზიდვებს მთელი მსოფლიოდან საქართველოში, ასევე ექსპორტს საქართველოდან.

ჩვენი კომპანია თანამშრომლობს საზღვაო ხაზებთან და უზრუნველვყოფთ როგორც სრული, ასევე ნაკრები ტვირთების კონტეინერებით ტრანსპორტირებას. ფოთისა და ბათუმის პორტებში საზღვაო ტრანსპორტით მიღებული ტვირთების მიწოდება შესაძლებელია საქართველოს, სომხეთის, აზერბაიჯანის ტერიტორიაზე და პირიქით.